المشاركات

عرض المشاركات من أكتوبر, 2017

يمكن ساعات بحس بخيبة امل كبيرة لاني ببقي رسمة صورة معينة لاشخاص بس الاشخاص دول مبيطلعوش نفس الصورة بس يمكن العيب مننا احنا لاننا رومنسيين زيادة عن اللزوم وفاكرين ان هي دي الطبيعة لكن الواقع عكس بالمرة هحاول اتغير وكون زي الواقع لاني بقيت حساسة زيادة عن اللزوم وتقربا دا غلط او صح مش عارفة بس لازم نبقي زي اللي قدمنا

إرسال تعليق
قراءة المزيد

عيشي براحتك وعلي راحتك وبمزاجك وعلي كيفك اعملي اللي يريحك ويرضيكي متهتميش للناس وكلامهم افرحي واخرجي واتبسطي عيطي وازعلي واغضبي وثوري اعرفي ناس واخسري ناس اجري واتنططي خليكي راضية عن حالك اصلك مهما عملتي محدش هيعجبة افعالك بالعكس كلام الناس هيرجعك ورا ، ورا وراااااااااا خليكي قوية وامشي ورا سعادتك

إرسال تعليق
قراءة المزيد

متدخلوش حياتناوانتم مش هتقدروا تستحملوا عيوبنا لانكم بعد فترة هتتعبوا وهتزهقوا ووقتها لما تيجوا تخرجوا من حياتنا فجأة هنتعب ونتأذي عشان احنا من الاخر سهل نتعلق بأي حد بس خلي بالكوا دعواتنا ربنا مبيردهاش

إرسال تعليق
قراءة المزيد

كان ليا واحدة صاحبتي من فترة كنت بحبها جدا بحسها اختي وبنتي كانت كل ما تقع في مشكلة تيجي جري عليا احلهلها كانت بتحيكي وتاخد رأي قبل ما تعمل اي حاجة كانت بتقولي انتي الوحيدة اللي ممشتيش وسبتيني بعد ما الكل بعد عنها كنت بدافع عنها قدام اي حد لو غلطت و اقف معاها حتي لو هي اللي غلطانة كنت ماشية بمبدأ ادي علي ابني واكرة اللي يقول امين ،كانت عايزة تسيب الدراسة بسبب نفسيتها المش مستقرة ومنعتها بقيت بذاكر المواد بتاعتها واذاكرلها. حبيت واتخطبت واتجوزت واطلقت وانا جمبها مسبتهاش لحظة رجعتلها ثقتها في نفسها تاني وعدينا الفترة دي واتخطبت تاني وانا برضو في ضهرها عمرها في يوم ما سألتني مالك ولا حتي خدت بالها ان ممكن اكون مضايقة وانا عادي بقول معلش دي بنتي كنت بفكر بس ازاي اخليها فرحانة وبعد دا كلة اختفت لما اتعرفت علي ناس تانية وتقريبا لما الناس دي بعدت لسة جاية تدور عليا بعتالي مسج انها محتجاني عشان سابت خطيبها ومستغربة وبتقولي اية دا هو انتي اتجوزتي ومعزمتنيش😳😳 طبعا هي مستغربة اني مردتش عليها واني اتجوزت من غير ما اعزمها بس اللي هي متعرفهوش ومش واخدة بالها اني تعبت وزهقت ديما انا اللي اشيل واسأل واحل وافكر واهون عليها تعبت من كتر ما بدي ومش بلاقي تعبت لما بعد دا كلة راحت ونسيت اللي عملتة تعبت من احساس اني مركونة علي الرف واني دايما باقية كانت فاكرة انها مهما تبعد والدنيا تشيل وتحط فيها وتلف وتتخبط هترجع تلاقي مستنياها وبداويها من اللي الدنيا عملتة فيها تيجي ترمي حمولها وهمومها عليا وترجع تاني تتوة في دنيتها .. بس اللي مكنتش عاملة حسابة اني اتغيرت ومشيت ومستنتش ووفرت كل اللي كنت بعملهلها دا انا حتي مبقاش عندي طاقة اني ارد عليها واشرحلها دا يمكن كتبت كل دا عشان مش عايزة ارد عليها مبقتش تهمني بس من كتر زنها قلت اكتبة عشان تقراة يمكن تحس بحاجة 😔 انا جدعة جدا للنهاية ووقت الشدة ببقي ب ١٠٠ راجل وعمر ما حد قصدني وخذلتة مش بمجد في نفسي بس انا عارفة نفسي لكن وقت ما احسن اني تعبت من الشخص اللي قدامي بختفي وانا بارعة في الاختفاء . حافظوا علي الناس الكويسة في حياتكوا مش كل حاجة بتلمع تجروا عليها وتسيبوا الناس الكويسة اللي معاكوا احنا لما بنبعد مبنرجعش ولما بنشيل بنقفل ومبنصفاش...🤚🏻🤚🏻 ساعات التصرفات اللي مش بتتوقعها بتطلع من اكتر شخص قريب ليك ودا بسبب تصرفاتكوا انتوا اللي بتوصلونا لكدة .

تعليق واحد
قراءة المزيد

موقف بيحصل كل قرن مرة تقريبا كنت خارجة من الكلية الساعة ١٢وعندي مشوار في سموحة ف قررت اخد تاكسي فضلت اكتر من نص ساعة واقفة في الشمس ومش لاقية تاكسي وطبعا كنت تعبت من الوقفة والحر والشمس لحد مالقيت مشروع بيقولي رايحة فين يا ابلة قلتلة سموحة قالي اركبي واذا بي افوجئ بأن المشروع كلة كبار سن جيت ادفع السواق قالي لا ف بقولة لاء اية قالي اصل انا بعمل يوم لله افضل الف في الشوارع اشوف الناس الكبيرة والمريضة والستات التعبانة واوصلهم ببلاش طلما ربنا موسعها معايا يبقي ادي ربنا حقة وادينا بناخد كام دعوة والله اللي عند الله مبيروحش وطول ماهو ماشي عمال يركب ناس وكأنة بيدور عليهم ومشغلهم اغاني وبيهزر مع كل واحد في المشروع وقبل ما انزل قالي اعملي للغلابة يدعولك ودول مافيش بينهم وبين ربنا حجاب

إرسال تعليق
قراءة المزيد

البلوكات اللي بنعملها عشان فاكرين اننا كدة بنغيظ حد او بنضايقة ابدا مش هي الحل لانها مبتعملش اي حاجة غير انها بتثبت للي عملنالة بلوك انة مهم عندنا وعشان كدة مش عيزينة يشوف اخبارنا واننا بنمنع نفسنا من مراقبتة بالعافية يعني بنهرب و دا دليل علي الضعف والخوف .... عشان كدة لما تحب تثبت للي قدامك انة ولا حاجة وعديم الاهمية فك البلوك لان البلوك لما بنعملة لحد علاقتنا انتهت بية دا بيضعف موقفنا وبيبينا اننا ضعفاء لكن منتهي القوة اننا نفك البلوك ويفضل قدامنا عشان نثبتلة ان وجودة زي عدمة ... اما بقي لو الطرف اللي فكتلة البلوك هو اللي عملك فتأكد انة لسة بيهرب منك ودمتم

إرسال تعليق
قراءة المزيد

سامح عشرين مرة ... ومتطلبش الحاجة مرتين ... والمكان اللي مش بترتاح فية مترجعلوش... والحسود مش صاحب ...والحقود ربنا معاه...والشغل اللي مش عاجبك غيره... واللي مبيهتمش بيك متهتمش بيه ...واللي مش فارق معاه زعلك اخسرة ومتفكرش فية ... واللي بيحاول يقلل من قيمتك احتقرة ... واللي مش بتهمه مصلحتك لمصلحتك تبعد عنه ... واللي ديما يغلط فيك وفي حقك ويعمل نفسة ندمان ويعتذرلك متعزرهوش والقلب لو هيقلل من كرامتك دوس علية الاعمار بيد الله ... والرزق علي الله ... والعمر لحظة ... والحياة مرة واحدة💛💚

إرسال تعليق
قراءة المزيد

- بكرة اوي لما اتعرف علي حد ونبقي اصحاب وتبقي من جواها تستعبطني انا ممكن ارد علي حاجة بتعمليها لكن بقول عادي انا احسن وبعاملهم بأسلوبي مش اسلوبهم -بكرة الناس اللي من جواها غل وحقد علي اللي قصادهم لمجرد ان عندهم فراغ فبيغلوا علي الناس -بكرة الناس اللي بتستغباني وبيقعدوا يدحلبوك في الكلام عشان يعرفوا كل حاجة عنك ويسرقوا مجهودك -بكرة الناس الحشرية اللي بتفكر اننا لمجرد صحاب لازم اديك كشف مفصل عن حياتي بكل تفاصيلها -بكرة الناس اللي كل ما يشوفوا وشي يبداو يشتكوا من الحياة ويقعدوا يندبوا حظهم وهما مافيش اي حاجة من دي بتحصل وحياتهم حلاوة بالقشطة -بكرة الناس الخبيثة واللئيمة والكدابين والمنافقين والغشاشين -بكرة الناس اللي تعرفك وقت مصلحة بس وبعد كدة بلح -بكرة الناس الغيورة اللي تتمني اللي في ايدك واللي حاسين بالنقص وبيعوضوة بالتكبر والانعرة والعجرفة علي خلق الله اسفة اني بقول بكرة انا عارفة انها كلمة حرام بس بجد الحياة مع الانواع دي متعبة اللي في حياتة شخصية من دول هيفضل طول الوقت حياتك تحت الصفر دورا علي ناس تديكوا طاقة ناس حلوة ناس معرفتها بتشع بهجة ناس تحبلكوا الخير get out from my life

إرسال تعليق
قراءة المزيد

حدث بالفعل ام بتقول لابنها تعالا معايا يا حبيبي نزور ايمان بنت خالتك عشان ولدت سيزيريان وبالفعل راحوا وبمنتهي التلقائية الشاب بيسأل اومال فين سيزيريان يا ايمان في سكوت تام وذهول ردوا علية وقالولوا سيزيريان مين قالهم البيبي قالولوا سيزيريان دي يعني ولدت قيصري طبعا مش هنقول الولد بقي بيقول اية نترك لكم حرية التخيل وكل اللي هتتخيلوة اتعمل وزيادة نستفيد اية من كدة ان بلاش وحياة ابوكوا عوجة اللسان لان في ناس لسة علي طبيعتها ودمتم

إرسال تعليق
قراءة المزيد

اللي عملك block هيشيلة ،واللي خرج من حياتك هيرجع ، واللي عملك un follow دا اكتر حد بيراقبك ، اللي زعلك في يوم هيرجع ندمان وهيعتذر، واللي ظلمك ضميرة هيوجعة ، واللي أذاك هتتردلة وهيتأذي وهيفتكرك ساعتها ، واللي جرحك ووجعك يمر بنفس الوجع والكسرة اللي كان السبب فيها، اوعي تصدق ان في حد بيمشي نهائي كلهم هيرجعوا ولو بعد حين بس لما يلاقوك اتغيرت ، لما تبقي ناضج واقوي وواعي ومبسوط من غيرهم هيرجعولك . بس هيكون فات الاوان ساعتها لانك مش هتبقي حابب وجودهم وهتشوفهم ناس عادية زيهم زي غيرهم وهتقتنع ساعتها ان الزمن قادر ينسيك اي شخص واي حاجة حصلت توجعك .

إرسال تعليق
قراءة المزيد